Басты бет

Біз жас, бірақ келешегі зор ұйымдардың бірі болып саналамыз. Алматы аймақтық балалар клиникалық ауруханасы ғимараты "100 мектеп, 100 аурухана" мемлекеттік бағдарламасы аясында типтік жоба бойынша салынып, 2011 жылдың қараша айында пайдалануға берілді.

2011 жылғы 25 қарашада күндізгі стационарлық төсек-орынды консультациялық-диагностикалық емхана шеңберінде аурухананың салтанатты ашылуы болды.

2012 жылғы қаңтарда біздің 200 төсек-орындық көпсалалық тәуліктік стационар ашылды, ол қабылдау бөлімінен және 7 салалық клиникалық бөлімшелерінен жасақталды: хирургиялық, травматологиялық, жақ-бет,   соматикалық,  неврологиялық, онкогематологиялық, анестезиология, жан сақтау және қарқынды терапия бөлімшесі, шала туған және жаңа туған балалар  патологиясы бөлімшесі, күндізгі стационар, қабылдау бөлімі, физиотерапия бөлімі, сондай-ақ параклиникалық бөлімшесі.

          Ауруханамыз құрылған аз ғана кезеңнің ішінде біз бірнеше қайтақұрулардан өттік: шаруашылық жүргізу құқығындағы Мемлекеттік кәсіпорын мәртебесін алдық, жаңа салалық бөлімшелер аштық (жақ-бет, онкогематологиялық). 2015 жылғы маусымда Республикалық байқаудың "Үздік облыстық балалар медициналық ұйымы" аталымында жеңімпаз атандық.

          Болашақта біз мүмкіндіктерімізді кеңейтуді, медициналық қызметтегі келешегі зор бағыттарды игеруді, Алматы облысы балаларына көрсетілетін медициналық қызметтердің сапасын әрдайым жетілдіру мен жақсартуды көздейміз.

          Қазақстан Республикасы, Алматы облысы, Іле ауданы, Өтеген батыр кенті, Қуат ық-ауд., Тәуелсіздіктің 10 жылдығы к-сі, №35. Телефон: 87272517338. E-mail: ardkb@ ardkb.kz  Веб ресурс:  www.ardkb.kz

      Құрметті қауым!

          Барлығымызға ортақ қағиданы айтқым келеді, Бала -  ата-аналар үшін ең қымбат қазына, бұл қазынаны біз өмір бойына сақтап өтуге дайынбыз. Сәбидің жүзіндегі күлкіден әдемі ешнәрсе жоқ. Дені сау бала - салауатты болашақ! Біз оларға шын жүректен көмек қолын созуға әрқашан дайынбыз!

          ШЖҚ "Алматы аймақтық балалар клиникалық ауруханасы" МКК - Алматы облысының балаларына мамандандырылған және жоғарымамандандырылған медициналық көмек көрсететін, заманауи диагностикалық және емдеу құрылғыларымен жабдықталған, консультациялық-диагностикалық емханасы бар 200 төсек-орындық көпсалалы  балалар стационары. Біз негізінен облысымыздың оңтүстік өңірлеріне қызмет көрсетеміз (Іле, Еңбекшіқазақ, Ұйғыр, Райымбек, Жамбыл, Балқаш, Қарасай, Талғар аудандары және Қапшағай қаласы), дегенмен қажеттіліктер болғанда белгілі бір шарттарда барлық Алматы облысы мен ҚР басқа да облыстарынан балаларды қабылдаймыз.

          Біздің клиникамызда Сіздердің балаларыңыз диагностикалық тексеруден өтіп, салалық мамандардың консультациясын алады, тәулік бойына жату арқылы стационарлық көмек немесе күндізгі стационарда ем қабылдайды.

          Біздің міндеттеріміздің бірі асқынулардың өршу қаупін болдырмау мен сауығу кезеңін барынша жақындату.

          Аурухана С.Асфендияров атындағы Қазақ ұлттық медициналық университеті (ҚазҰМУ), Қазақстан-Ресей медициналық университеті (ҚРМУ), Қазақ медициналық үздіксіз білім беру университеті (ҚазМҮББУ) кафедраларының клиникалық базасы болып табылады.

          Өздеріңіздің балаларыңыздың денсаулығын үздік мамандарға сеніп тапсырыңыздар, бізде балаларыңыздың денсаулығына барлық қажеттіні таба аласыз!

          Құрметпен, ШЖҚ "Алматы аймақтық балалар клиникалық ауруханасы" МКК директоры Ролан Мамырұлы Нұрбаев